Tá tú anseo:
Deis cainte
Éist 
Cluiche 
Cad atá i gceist leis seo?
Tá sé de cheart agat do thuairimí a chur in iúl agus go gcuirtear san áireamh na tuairimí sin nuair atá cinntí á ndéanamh a théann i bhfeidhm ort.
N chiallaíonn an ceart seo go gcaithfidh daoine fásta an rud a deir tusa a dhéanamh i gcónaí, ach tá i gceist gur cheart dóibh do thuairimí a lorg agus breithniú a dhéanamh ar na tuairimí sin mar is tábhachtach é sin a dhéanamh.
In 2012, léirigh muintir na hÉireann i vóta gur cóir cearta leanaí, lena n-áirítear a gceart chun éisteacht a fháil i gcúinsí áirithe, a áireamh i mBunreacht na hÉireann.
SAMPLA: Tá sé luaite i mBunreacht na hÉireann anois go gcaithfidh breithimh éisteacht le guth leanaí i gcásanna áirithe, amhail nuair atá colscaradh á fhail ag tuismitheoirí.
Foghlaim tuilleadh faoin gceart seo
An bhfuil an ceart seo agam in Éirinn?
- CNACL, Airteagal 12 – tá sé de cheart agat deis cainte a bheith agat maidir le rudaí a bhaineann leat, agus ba chóir do dhaoine fásta stór a chur sa mhéid atá le rá agat.
- Faoi Airteagal 42A de Bhunreacht na hÉireann, tá sé de cheart agat go n-éisteann na cúirteanna le do thuairimí agus go ndéantar breithniú ar na tuairimí sin i gcásanna dlí teaghlaigh agus i gcásanna cúraim.
- Faoi airteagail éagsúla de Bhunreacht na hÉireann, tá sé de cheart agat, más saoránach Éireannach tú, vóta a chaitheamh i dtoghcháin ag 18 mbliana d’aois.
- Faoin Acht Oideachais 1998, tá sé de cheart agat Comhairle Mac Léinn a bhunú sa mheánscoil agus tacaíocht a fháil ón scoil é sin a dhéanamh.
- Faoin Acht um Chúram Leanaí, 1991 agus an tAcht um Thús Áite do Leanaí, 2015, tá sé de cheart agat go gcuirfear do mhianta san áireamh agus cinntí á ndéanamh a bhaineann le do chúram.
Tionscadal á dhéanamh?
- In 2015, d’fhoilsigh an Rialtas Straitéis Rannpháirtíochta 5-bliana chun a chinntiú go bhfuil guth ag leanaí ina bpobail, san oideachas, sa chúram sláinte, sna cúirteanna agus sa chóras dlí.
- Is í Éire an t-aon tír san Eoraip a bhfuil straitéis náisiúnta aici a bhaineann go sonrach le rannpháirtíocht leanaí agus daoine óga sa phróiseas cinnteoireachta.
- Tugann Aontas na Mac Léinn don Dara Leibhéal tacaíocht do chomhairlí mac léinn agus is ardán do mhic léinn é freisin chun a dtuairimí a chur in iúl maidir leis an oideachas.
- Tá grúpaí don óige ar a dtugtar Comhairle na nÓg i 31 údarás áitiúla éagsúla ar fud na hÉireann. Trí pháirt a ghlacadh sna grúpaí seo, bíonn deis cainte ag daoine óga maidir le cúrsaí ina bpobail.
- Tá feachtas ar siúl Comhairle Náisiúnta na nÓg chun cead vótála a thabhairt do dhaoine óga ag aois 16.
- Tá clár ag an gComhairle Náisiúnta Curaclaim agus Measúnachta ar a dtugtar Guth na nDaltaí a spreagann rannpháirtíocht daltaí sna hábhair atá á bhfoghlaim acu agus cuireann sé feabhas ar an gcaidreamh idir múinteoirí agus daltaí. e
- In 2017, ghlac daoine óga páirt in imeacht beoshruthaithe de chuid Líne Chabhrach na Leanaí maidir le sábháilteacht ar an idirlíon. Dúirt na daoine óga gur mhaith leo go mbeidís níos cosanta ar líne agus go múinfí níos mó scileanna digiteacha dóibh ar scoil.
- De réir taighde arna fhoilsiú ag an Roinn Leanaí agus Gnóthaí Óga in 2015, ceapann leanaí gurb é an baile an áit a dtugtar an tacaíochta is mó dóibh deis cainte a bheith acu ina saol laethúil.
- In 2016, d’fhiafraigh tuarascáil na Roinn Leanaí agus Gnóthaí Gutha Óga de dhaoine óga conas is féidir ionchuimsiú níos fearr a dhéanamh orthu sa tsochaí.
- In 2014, tuairiscítear go raibh méadú 3% ó 32.6% go 35.5% tar éis teacht ar líon na leanaí idir 10 agus 17 mbliana d’aois thar tréimhse 4 bliana.
Naisc chuig eagraíochtaí eile
- Dail na nÓg – is parlaimint náisiúnta na hÉireann don óige é Dáil na nÓg. Tá 34 Comhairle na nÓg ar fud na tíre. Tá tuilleadh eolais le fáil anseo.
- ISSU – bratchomhlacht náisiúnta le haghaidh Comhairlí Mac Léinn i scoileanna.
- CLG – Faigh amach an obair atá á déanamh ag CLG chun tuairimí daoine óga a fháil.
- Samhlaigh do Chearta – In 2015, d’oibrigh leanaí agus daoine óga leis an gComhghuaillíocht um Chearta Leanaí agus Ciste Éigeandála Idirnáisiúnta na Náisiún Aontaithe do Leanaí (CEINAP) chun tuarascáil a chur le chéile le haghaidh Coiste na Náisiún Aontaithe maidir le Cearta an Linbh ina leagtar amach saincheisteanna atá tábhachtach do leanaí in Éirinn.
- Saol an Duine Óig in Éirinn – In 2011, roinn breis agus 65,000 leanaí agus daoine óga a dtuairimí leis an Roinn Leanaí agus Gnóthaí Óige maidir lena saol in Éirinn
- Voices of Youth – is grúpa tathanta é Voices of Youth atá á reáchtáil ag daoine óga do dhaoine óga ar fud an domhain. Baineann siad leas as na meáin chun deis cainte a bheith acu maidir le cúrsaí a chuireann isteach orthu.
- Vótáil ag 16
