Tá tú anseo:
Do chuid buanna agus cumais a fhorbairt
Éist 
Cluiche 
Cad atá i gceist leis seo?
Baineann an ceart seo leis an gcineál oideachais ar chóir duit a fháil.
Tá sé de cheart agat go bhfuil do chuid oideachais cothrom – ní hamháin go mbaineann sé le hábhair acadúla cosúil le matamaitic agus scríbhneoireacht, ach baineann sé freisin le drámaíocht, spórt agus le ceol agus le foghlaim chun meas a bheith agat ar an gcomhshaol agus ar a chéile.
Leis an tSraith Shóisearach nua, ceadaítear níos mó éagsúlachta do dhaltaí maidir leis na rudaí a fhoghlaimíonn siad trí ghearrchúrsaí.
SAMPLA: I rith na hidirbhliana, is iondúil go mbaineann tú triail as go leor gníomhaíochtaí éagsúla cosúil le drámaíocht, díospóireacht, teanga nua a fhoghlaim nó féinchosaint.
Faigh tuilleadh eolais!
An bhfuil an ceart seo agam in Éirinn?
- Article 29 of the UNCRC says go bhfuil sé de cheart agat go“ gcuidíonn d’oideachas leat do chuid buanna agus cumas a úsáid agus a fhorbairt. Ba chóir go gcuideodh sé leat foghlaim conas maireachtáil go síochánta, conas an comhshaol a chosaint agus meas a bheith agat ar dhaoine. “
- Faoin Acht Oideachais 1998, bunaíodh an Chomhairle Náisiúnta Curaclaim agus Measúnachta (CNCM). Scríobhann an CNCM na scrúduithe do na hábhair a dhéantar i scoileanna agus déanann siad iarracht é a dhéanamh chomh cuimsitheach agus éagsúil agus is féidir.
- Níl aidhmeanna an oideachais in Éirinn scríofa sa dlí. Tá dearcadh iomlánaíoch ag an Roinn Oideachais in Éirinn ar an bhfoghlaim i scoileanna – ciallaíonn sé seo gur chóir go mbeadh an fhoghlaim cothrom agus dírithe ar an leanbh mar fhoghlaimeoir.
- Tá an fholláine i scoileanna tábhachtach don Rialtas. Leagann sé béim ar an ngá atá le leanaí agus le daoine óga raon leathan scileanna, inniúlachtaí agus luachanna a fhorbairt d’fhonn saoránacht ghníomhach, foghlaim ar feadh an tsaoil agus folláine phearsanta a éascú.
Tionscadal á dhéanamh agat?
- In Éirinn, luaitear sna rialacha a threoraíonn ár ndlíthe (an bunreacht) go bhfuil do chuid tuismitheoirí freagrach as do chuid oideachais ar dtús. Ba chóir dóibh na rudaí atá ceart agus mícheart a mhúineadh duit.
- Tá sé mar aidhm ag córas bunoideachais na hÉireann oideachas iomlánaíoch a chur ar fáil chun ligean do leanaí a saol a chaitheamh go hiomlán agus a gcumas mar dhaoine uathúla a bhaint amach.
- Leis an tSraith Shóisearach nua, ceadaítear níos mó éagsúlachta do dhaltaí maidir leis na rudaí a fhoghlaimíonn siad trí ghearrchúrsaí.
- I go leor meánscoileanna, tugtar an Idirbhliain ar an gceathrú bliain. Le linn na bliana sin, gheobhaidh tú deis do chuid buanna agus cumais a fhorbairt agus i roinnt scoileanna, triail a bhaint as rudaí cosúil le féinchosaint, garchabhair, taithí oibre agus drámaíocht.
- Tá an fholláine i scoileanna mar thosaíocht ag an Rialtas faoi láthair. Tá súil aige go mbeidh cur chun cinn na folláine ag croílár éiteas gach scoile agus gach ionad oideachais.
- Tá freagracht ag eagraíocht ar a dtugtar an Chomhairle Náisiúnta Curaclaim agus Measúnachta(CNCM) as ábhair a scríobh agus a chruthú ar chóir duit a fhoghlaim ar scoil. Déanann siad iarracht oideachas in Éirinn a dhéanamh níos fearr agus cothrom do gach foghlaimeoir.
Naisc le heagraíochtaí eile
- Scouting Ireland: Mar chuid den mhodh gasógaíochta, tá foghlaim trí dhéanamh agus a bheith amuigh faoin aer.
- NYCI Youth Arts: Déanann Comhairle Náisiúnta na nÓg rannpháirtíocht na ndaoine óga sna hEalaíona a chur chun cinn agus a fhorbairt
- National Youth Orchestra: Ceoltóirí óga a spreagadh trí dheiseanna a thabhairt dóibh dul i dteagmháil le ceoltóirí gairmiúla
- Sporting Ireland: Is scátheagraíocht é Sporting Ireland chun spórt éagsúil a chur chun cinn agus a fhorbairt in Éirinn
- GAA Youth: reáchtálann an CLG clár ar a dtugtar Fóram na nÓg chun guth daoine óga a spreagadh i reáchtáil an CLG
