You are here:

Coinneáil slán

7-12

years

old

Cad a chiallaíonn sé seo?

Tá sé de cheart agat a bheith cosanta ar mhí-úsáid agus ar dhíobháil.

Tá dlíthe in Éirinn chun leanaí a chosaint agus chun a rá nach féidir leanaí a ghortú ná caitheamh go dona leo. Tá sé de fhreagracht ar do theaghlach nó ar do chaomhnóir a chinntiú go bhfuil tú sábháilte.

Níor cheart d’aon duine tú a ghortú go hintinneach ná iallach a chur ort aon rud a dhéanamh nach bhfuil tú compordach a dhéanamh, amhail rúin a choinneáil nó aon rud eile a fhágann go mbraitheann tú neamhshábháilte.

Tá sé tábhachtach freisin go bhfuil leanaí sábháilte ar líne. Níor cheart dóibh féachaint ar rudaí atá go dona dóibh agus ba cheart a bpríobháideachas a chosaint.

Oibríonn na Gardaí agus an Ghníomhaireacht um Leanaí agus an Teaghlach (TUSLA) le chéile freisin chun a chinntiú go bhfuil leanaí sábháilte agus go dtugtar aire dóibh in Éirinn.

Má tá imní ort faoi rud ar bith, ba cheart duit labhairt le duine éigin – tuismitheoir, múinteoir, nó Childline (1800 666666).

Má tá tú i mbaol, ba chóir duit glaoch a chur ar na Gardaí ar 999 nó 112.

Scéal Mabel

Bhí muinín ag Mabel as a múinteoir agus mar sin labhair sí léi faoin gcaoi nár mhothaigh sí sábháilte nuair a bhí mamaí agus daidí ag argóint sa bhaile. Chuala múinteoir Mabel a himní agus dúirt sí go mbeidh uirthi insint do dhaoine eile, ach déanfaidh siad iarracht iad a shocrú.

Labhair múinteoir Mabel le TUSLA a chabhraigh lena teaghlach, mar sin tá saol Mabel sa bhaile níos fearr, agus mothaíonn sí sábháilte gach lá, agus cabhraíonn sé sin léi taitneamh a bhaint as a cearta eile.

Faigh amach cad is féidir leat a dhéanamh mura bhfuil do chearta á gcomhlíonadh.