Tá tú anseo:
Súgradh agus sos
Éist 
Cluiche 
Cad atá i gceist leis seo?
Tá sé de cheart agat súgradh agus sos a fháil atá oiriúnach do d’aois.
Ba chóir don Rialtas é a dhéanamh éasca duit súgradh a dhéanamh agus páirt a ghlacadh i ngníomhaíochtaí cultúrtha.
Tá sé tábhachtach go leor codlata, scíthe agus ama súgartha a fháil agus cabhraíonn sé leat forbairt a dhéanamh mar dhuine.
SAMPLA: Bíonn sosanna agat i rith an lae scoile, ní bhíonn ceachtanna agat an lá ar fad.
Foghlaim tuilleadh faoin gceart seo
An bhfuil an ceart seo agam in Éirinn?
- De réir Airteagal 31 de CNACL, tá sé de cheart agat súgradh agus sos a fháil.
- Faoin Acht um Cheartas Coiriúil 2006, tá sé de cheart agat caidreamh sóisialta a bheith agat i do chomharsanacht, chomh fada nach bhfuil ciapadh ná dochar á dhéanamh do dhaoine eile ná eagla á cothú iontu.
- Faoin Acht um Chosaint Daoine Óga (Fostaíocht)1996, tá sé de cheart agat post páirtaimseartha a bheith agat má tá tú 14 bliana d’aois nó os a chionn. Tá sé de cheart agat sos a thógáil ag brath ar líon na n-uaireannta oibre atá curtha isteach agat.
Tionscadal á dhéanamh?
- Tá sé go maith do do mheabhairshláinte aclaíocht rialta a dhéanamh.
- Dúirt 23% de dhaoine óga (13 bliana -19 mbliana d’aois) go mbraitheann siad níos fearr i diaidh aclaíochta agus spóirt, agus go mbraitheann siad nach bhfuil an méid céanna brú orthu.
- Faoi aois 2 bhliain, ba chóir do leanaí 11+ uair an chloig codlata a fháil gach oíche. Ba chóir do leanaí atá níos sine ná 10 mbliana d’aois, 9+ uair an chloig codlata a fháil gach oíche.
- I dtíortha ina bhfuil cogadh ar siúl, oibríonn CEINAP chun clóis súgartha a dhéanamh i gcampaí dídeanaithe ós rud é go bhfuil ceart chun súgartha ag leanaí uile.
- Moladh gur chóir do dhochtúirí ‘súgradh’ a ordú do leanaí mar chineál teiripe. Ó thaobh fhorbairt an linbh de, is uirlis ríthábhachtach é an súgradh agus cabhraíonn sé chun scileanna sóisialta, scileanna teanga agus forbairt inchinne a fheabhsú.
- Ó thaobh leibhéal gníomhaíochta fisiciúil leanaí, tá Éire ar ceann de na tíortha is airde as 42 tír agus réigiún de chuid na hEagraíochta Domhanda Sláinte (Suirbhé HSBC, 2014).
Naisc chuig eagraíochtaí eile
- Sláinte Leanaí – Tuilleadh eolais maidir le cé chomh tábhachtach is atá sé codladh a fháil
- Obair d’Ógra Éireann – Faigh tuilleadh eolais maidir le gníomhaíochtaí agus seirbhísí do chlub óige áitiúil
- Foróige – Faigh tuilleadh eolais maidir le gníomhaíochtaí agus seirbhísí do chlub óige áitiúil
- Gasóga –An bhfuil suim agat dul sna Gasóga?
- Banóglaigh – An bhfuil suim agat dul sna banóglaigh?
- Cumann Cathaoireacha Rothaí na hÉireann – Tuilleadh eolais maidir le gníomhaíochtaí agus seirbhísí Chumann Cathaoireacha Rothaí na hÉireann le haghaidh daoine óga faoi mhíchumas.
- Cluichí Pobail – Féach ar ghníomhaíochtaí agus imeachtaí éagsúla na heagraíochta Cluichí Pobail.
- Súgradh – eagraíocht Éireannach a chuireann chun cinn an ceart chun súgartha
