Tá tú anseo:
Gach duine éagsúil, gach duine ar chomhchéim
Éist 
Cluiche 
Cad atá i gceist leis seo?
Tá sé de cheart ag leanaí uile go gcaitear go cothrom agus go féaráilte leo.
“Tá cearta ag leanaí uile: beag beann ar cé hiad, cá bhfuil siad ina gcónaí, gairm bheatha a dtuismitheoirí, an teanga a labhraíonn siad, cúrsaí creidimh, cibé acu an buachaillí nó cailíní iad, a gcultúr, cibé acu an bhfuil siad faoi mhíchumas nó nach bhfuil, cibé acu an bhfuil siad aerach nó díreach, nó cibé acu an bhfuil siad saibhir nó bocht.”
Tá dlíthe i bhfeidhm in Éirinn a chinntíonn nach ndéantar idirdhealú i do choinne.
SAMPLA: Ní cheadaítear a thuilleadh d’fhormhór scoileanna áiteanna a thabhairt do dhaltaí bunaithe ar chúrsaí creidimh.
Foghlaim tuilleadh faoin gceart seo
An bhfuil an ceart seo agam in Éirinn?
- Faoin Acht um Stádas Comhionann 2000 in Éirinn, tá sé de cheart agat go gcaitear go cothrom leat. Ní féidir go gcaitear ar bhealach difriúil leat ná go ndéantar idirdhealú i do choinne ar na cúiseanna seo a leanas: inscne; stádas sibhialta (pósta/singil/páirtnéireacht shibhialta), stádas teaghlaigh, aois, creideamh, míchumas, gnéaschlaonadh, cine/cúlra eitneach/náisiúntacht, ballraíocht de phobal na dTaistealaithe.
- Faoin Acht Oideachais (Ligean isteach i Scoileanna), 2018, tá sé de cheart agat nach féidir le formhór na scoileanna in Éirinn a dhiúltú tú a ligean isteach ina scoil, chomh fada agus a bhfuil spás ann, bunaithe ar do chreideamh nó easpa creidimh.
- Faoi Bhunreacht na hÉireann, is ceann de do chearta bunúsacha go gcaitear go féaráilte agus go cothrom leat os comhair an dlí.
Tionscadal á dhéanamh?
- I gcúinsí áirithe ceadaítear faoin dlí gur féidir caitheamh le daoine ar bhealach éagsúil. Mar shampla, féadfaidh bunscoileanna nó meánscoileanna a bheith le haghaidh buachaillí amháin nó cailíní amháin.
- Uaireanta, bíonn deacrachtaí roimh leanaí inimirceach, leanaí ón bpobal taistealaithe, leanaí LGBTI (leispiach, aerach, déghnéasach, trasinscneach agus idirinscneach) agus leanaí faoi mhíchumas cóir chothrom a fháil.
- Ar an 1 Márta 2017, aithníodh Taistealaithe don chéad uair mar ghrúpa eitneach ar leith in Éirinn. Is é is ciall leis sin ná nach féidir go gcaitear go míchothrom leo toisc gur Taistealaithe iad.
- In 2016, mhol Coiste na Náisiún Aontaithe um Chearta an Linbh gur chóir d’Éirinn níos mó a dhéanamh chun cearta leanaí faoi mhíchumas a chosaint, go mór mór ó thaobh an oideachais de.
- Más maith leat teagmhas ciníoch a thuairisciú in Éirinn, is féidir é a thuairisciú do iReport atá á reáchtáil ag ENAR (Líonra Eorpach i gcoinne an Chiníochais ) nó is féidir glaoch a chur ar an gComhairle um Inimircigh in Éirinn chun é a thuairisciú dóibh.
- Áirítear i Spriocanna Forbartha Inbhuanaithe na Náisiúin Aontaithe gealltanas chun deireadh a chur le gach cineál idirdhealaithe i gcoinne cailíní agus ban faoin mbliain 2030.
Naisc chuig eagraíochtaí eile
- Coimisiún na hÉireann um Chearta an Duine agus Comhionannas Déanann Coimisiún na hÉireann um Chearta an Duine agus Comhionannas cearta an duine agus an comhionannas a chosaint agus a chur chun cinn in Éirinn. Tá tuilleadh eolais anseo maidir le céard is ciall leis an gcomhionannas.
- Belong To – Oibríonn agus tacaíonn BeLong To le daoine óga LGBT (leispiach, aerach, déghnéasach agus trasinscneach) in Éirinn
- Pavee Point – Faigh amach faoi Taistealaithe na hÉireann agus na Romaigh ó Ionad Taistealaithe agus Romach Pavee Point.
- ‘eitneacht’ – Faigh amach faoin ‘eitneacht’ agus gach a mbaineann le Taistealaithe a bheith ina ngrúpa eitneach
- An Cárta Dearg – Taispeáin an Cárta Dearg don Ciníochas chun é a ruaigeadh as cúrsaí spóirt
- CEINAP – Faigh amach ó Chiste Éigeandála Idirnáisiúnta na Náisiún Aontaithe do Leanaí conas is féidir le leanaí faoi mhíchumas aghaidh a thabhairt ar an idirdhealú in áiteanna éagsúla ar fud an domhain
- Gutha Óga – Conas is féidir daoine óga a ionchuimsiú sa tsochaí ar bhealach níos fearr? Tá tuairimí daoine óga ar fáil anseo.
- Ionad Chearta na nInimirceach – Oibríonn Ionad Chearta na nInimirceach chun ceartas, cumhachtú agus comhionannas a chinntiú le haghaidh oibrithe imirceacha
