You are here:
Cainteanna Leanaí 2023
Imeacht bliantúil is ea Cainteanna Leanaí a chomóradh Lá Domhanda na Leanaí.
Fáilte go dtí Cainteanna Leanaí, ár n-imeacht speisialta a chomóradh Lá Domhanda na Leanaí.
Ag sruthú beo Dé Máirt, 7 Samhain ag 11rn
Imeacht bliantúil ó Oifig an Ombudsman do Leanaí is ea Cainteanna Leanaí chun Lá Domhanda na Leanaí a chomóradh ina gcloistear ó leanaí agus daoine óga go díreach faoi na saincheisteanna atá tábhachtach dóibh. I mbliana táimid ag craoladh beo ón Helix i mBaile Átha Cliath!
Anois ina séú bliain, tugann Cainteanna Leanaí ardán do leanaí a dtuairimí agus a n-eispéiris a roinnt ar shaincheisteanna atá tábhachtach dóibh. Is é téama imeacht na bliana seo ná ‘An Éire ar mhaith liom cónaí inti…’ le hábhair ar nós meabhairshláinte, a bheith LADTI+ in Éirinn, vápáil, néaréagsúlacht i scoileanna, agus rochtain ar ábhair ETIM do chailíní
Buail lenár gcainteoirí:
Charlotte
Charlotte is ainm dom, táim 10 mbliana d’aois agus is as an Uaimh, Co. na Mí mé. Ba mhaith liom páirt a ghlacadh i gCainteanna Leanaí mar ba mhaith liom go dtuigfeadh daoine cé chomh dúshlánach is féidir leis an saol a bheith do mo chúpla deirfiúr néar-éagsúil, agus uaireanta mé féin; agus cé chomh maith agus a d’fhéadfadh ár saol a bheith dá ndéanfadh daoine iarracht beagán níos mó a fhoghlaim agus a thuiscint faoi uathachas agus néar-éagsúlacht.
Eoin
Eoin is ainm dom, tá mé 16 agus is as Béal Easa, Co. Mhaigh Eo mé. Tá eolas agam ar chainteanna leanaí le roinnt blianta anuas anois ach thug rud éigin faoi ábhar na bliana seo, is é sin “An Éire ar mhaith liom cónaí inti”, an misneach dom clárú i mbliana mar go dteastaíonn athrú uainn sa tír seo. Ní mór níos mó cainte a dhéanamh faoi mheabhairshláinte agus Comhionannas. Is cinnte go bhfuil aistear fada tagtha againn mar thír ag caint faoi ábhair íogaire mar seo ach caithfimid dul níos faide. Ní mór dúinn a thaispeáint go bhfuil féinghrá agus aire a thabhairt do do mheabhairshláinte tábhachtach agus ba mhaith liom go gcuideoidh mo Chaint Leanaí leis an troid. Tá súil agam go gcuidíonn mo chaint leanaí le daoine amuigh ansin mar tá athrú ag teastáil uainn.
Bee
Bee Fennell is ainm dom agus táim 13 bliana d’aois. Is as Baile an Chinnéidigh, Co. Chill Mhantáin mé ach Luimneach i mo chroí! Is é an t-ábhar atá agam ná oideachas ar fud an phobail thrasinscneach, ag díriú go sonrach ar thaobh na hóige de ar fad. Theastaigh uaim páirt a ghlacadh i gCainteanna Leanaí 2023 mar bhí mé ag iarraidh mo scéal a roinnt agus tá súil agam daoine eile a spreagadh chun an t-oideachas a theastaíonn le bheith mar chomhghuaillí dílis don phobal a fháil agus tuiscint a fháil ar conas atá sé bheith trasinscneach.
Ruth
Dia duit! Ruth Cunningham is ainm dom agus táim 16 bliana d’aois. Is mac léinn 5ú bliain mé as Cill Taobháin, Ros Comáin. Tá suim agam i ngach rud ceartas sóisialta mar mheabhairshláinte, athrú aeráide ach go príomha comhionannas inscne. Is é an t-ábhar atá agam le Cainteanna Leanaí ná rannpháirtíocht cailíni i ETIM nó easpa de. Tá an oiread sin sceitimíní orm m’eispéiris ar a bheith i mo dhalta ETIM ag Cainteanna Leanaí OCO i mbliana a roinnt!
Seamus
Seamus is ainm dom agus táim 17 mbliana d’aois. Is as Cill Choca, Co. Chill Dara mé. Ag Cainteanna Leanaí i mbliana beidh mé ag labhairt faoi conas a d’fhéadfadh scoileanna níos mó a dhéanamh chun cabhrú le daltaí a meabhairshláinte a bhainistiú. Ba mhaith liom páirt a ghlacadh i gcainteanna leanaí mar gur taispeánadh é anuraidh dom agus taithí oibre á déanamh agam san OCO agus bhraith mé spreagtha ag na scéalta ar fad a chuala mé.
Lúcia
Dia duit, Lúcia Keane is ainm dom. Tá mé 17 mbliana d’aois agus is as Bóthar Mín, Co. na Mí mé. Tá an t-ábhar a bheidh á phlé agam thar a bheith ábhartha i sochaí an lae inniu, vápáil. Táim ag tnúth le bheith mar chuid de Chainteanna Leanaí. Is deis iontach é mo chuid smaointe, tuairimí agus imní faoi ábhar chomh tábhachtach agus ábhartha a chur in iúl do lucht éisteachta mór agus táthar ag súil le feasacht a thabhairt dár dtír ar na contúirtí a bhaineann le vápáil agus stop a chur leis an eipidéim a d’fhéadfadh a bheith tubaisteach, sula mbeidh sé ró-dhéanach.