Deis Cainte ag Leanaí

Is ócáid bhliantúil é Cainteanna Leanaí de chuid Oifig an Ombudsman do Leanaí le Lá Domhanda na Leanaí a cheiliúradh agus tugtar cluais dhíreach éisteachta do pháistí agus do dhaoine óga agus na rudaí atá tábhachtach dóibh. Chun ceiliúradh a dhéanamh ar an gcúigiú bliana de Chainteanna Leanaí, thángamar go díreach chugat beo ó Bhaile Dháil Éireann i dTeach Laighean!

Tugtar le Cainteanna Leanaí ardán do leanaí a dtaithí agus a dtuairimí ar cheisteanna atá tábhachtach dóibh a roinnt. Arna spreagadh ag an suíomh, ba é téama imeacht na bliana seo ná ‘Dá mbeinn i mo Thaoiseach ar feadh lae...’.

Labhair ár gcainteoirí idir 11 agus 17 mbliana d’aois le lucht éisteachta i dTeach Laighean ar raon ábhar, lena n-áirítear easpa dídine, leasú oideachais, tacaíochtaí uathachais, inrochtaineacht, iompair tuaithe, cumhachtú na mban, an Ghaeilge agus éisteacht le leanaí.

Bhí Cainteanna Leanaí 2022 óstáilte ag ár n-iarchainteoirí iontacha, Anjelica agus Dariusz.

Thiúnáil scoileanna ar fud na tíre isteach ar líne agus bhí Scoil Chrónáin inár dteannta i dTeach Laighean fiú.

Féach ar ár gcainteoirí Cainteanna Leanaí 2022 agus ar bhileoga gníomhaíochta do scoileanna anseo.

Chun Lá Domhanda na Leanaí a cheiliúradh i mbliana, d’óstáil Oifig an Ombudsman do Leanaí Cainteanna Leanaí 2021, ár n-imeacht inar tugadh ardán do leanaí agus do dhaoine óga suas go dtí 18 mbliana d’aois chun labhairt faoi chearta leanaí agus na saincheisteanna is suim leo.

Roinn ár gcainteoirí iontacha - Dariusz, Franny, Anjelica, Ella, Precious, Darragh, Bobby agus Molly - a gcuid scéalta spreagúla ar ábhair lena n-áirítear an t-athrú aeráide, meabhairshláinte, faisean tapa, Soláthar Díreach, comhionannas inscne, ag maireachtáil le scolóis, agus sábháilteacht ar na bóithre. Is féidir leat tuilleadh eolais a fháil faoinár gcainteoirí anseo.

Ba iad ár n-iar-chainteoirí iontacha Katherine Amusan agus Oisin Putt a d’óstáil Cainteanna Leanaí 2021.

Craoladh an t-imeacht hibride ón RDS, Baile Átha Cliath ar an 19 Samhain agus is féidir féachaint air thíos.

Bhí Cainteanna Leanaí 2020 ar siúl go hiomlán ar líne. Ba é Téama an imeachta ‘Lá i Mo Shaol’.

D’inis Katherine (16), Charlie (8), Maria (16), Afaf (13), Emer (17), Evan (18), Cuan (10) agus India (17) a scéalta spreagúla ar ábhair lena n-áirítear léiriú cultúrtha, meabhairshláinte, easpa dídine, indibhidiúlacht, aire a thabhairt dár dtimpeallacht áitiúil, maireachtáil le huathachas, agus gníomhaíochas na hóige.

Ba iad ár n-iar-chainteoirí iontacha Katie McKenna (19) agus Eric Ehigie (19) a d’óstáil Cainteanna Leanaí 2020.

 

Bhí Cainteanna Leanaí ar siúl ag The Printworks, Caisleán Bhaile Átha Cliath ar Lá Domhanda na Leanaí, Dé Céadaoin an 20 Samhain agus ba é an téama “An Leagan is Fearr Díot Féin”. Ba í an tAire Leanaí agus Gnóthaí Óige, Katherine Zappone a thug an t-aitheasc tosaigh.

I measc na gcainteoirí bhí Lily, (12) as Baile Átha Cliath a labhair faoi bhuiséid phearsanta; Carly (14) as Co. Laoise a labhair faoi bhochtaineacht mhíosta; labhair Amina (13) as Dodoma, cuid lárnach den Tansáin san Afraic Thoir, faoi na dúshláin atá le sárú aici mar chailín óg; is úsáideoir cathaoir rothaí é Oisín (17) ar a bhfuil Spina Bifida agus ar lúthchleasaí é a labhair faoi chothromas don phobal faoi mhíchumas; labhair Ellen (15) as Dún na nGall faoin athrú aeráide; labhair Ryan (15) as Dún Dealgan i gCo. Lú faoina eispéireas mar dhuine óg faoi mhíchumas; labhair Leanne (17) as Baile Átha Cliath faoin gcaidreamh atá aici lena deirfiúr a diagnóisíodh go bhfuil uathachais uirthi; labhair Kate (16) as Cill Mhantáin a faoina neamhord crómasómach agus labhair Eric (17) as Longfort faoin bhfáth a gcreideann sé gur chóir go mbeadh níos mó daoine óga ó chúlraí éagsúla seasamh don toghchán.

Sheinn an Kabin Crew, comharghrúpa rapairí agus amhránaithe óga le Ceardlanna GMCBeats, le tacaíocht ó Music Generation Cork City ar an lá.

Tugadh Cainteanna Leanaí isteach den chéad uair in 2018. Bhí an t-imeacht ar siúl i Halla na Cathrach i mBaile Átha Cliath.

Labhair Amy (17) as Co. Shligigh faoin dóigh ar fhás aníos in Éirinn mar dhuine óg Trasinsncne; labhair Aoibheann (12) as Co. Mhaigh Eo faoin easpa leathanbhanda faoin tuath in Éirinn; labhair Katie (17) as Cill Chainnigh faoin tábhacht a bhaineann le glacadh le difríocht agus teacht amach mar bhean óg aerach; labhair Margaret (14) as Uíbh Fhailí faoi fhás aníos in Éirinn mar Thaistealaí óg; labhair Fearghal (18) as Baile Átha Cliath faoina dhúil mhór sna healaíona cruthaitheacha agus mar a chabhraigh sé leis éalú óna leimhe ar scoil; mhínigh Grace (16) as Baile Átha Cliath a streachailt mhothúchánach agus tábhacht an oideachais agus rinne Sinéad (20) as Gaillimh léiriú ar an lá.

Is é Music Generation clár náisiúnta oideachais ceoil na hÉireann a fheidhmítear i 22 cathair agus contae ar fud na hÉireann. Tá sé mar aidhm ag Music Generation saol leanaí agus daoine óga a athrú ó bhonn trí rochtain a chruthú ar theagasc ceoil ardchaighdeáin inacmhainne ina gceantair áitiúla.

Tá páirt á glacadh ag Music Generation i gCainteanna Leanaí ó 2018 i leith.