Plean Straitéiseach OCO

Plean Straitéiseach Trí Bliana 2022-2024

Leagtar amach leis an bplean seo ár bpríomhspriocanna agus na príomhréimsí gníomhaíochta a thabharfaimid faoi d’fhonn iad a bhaint amach.

Sprioc 1

Ceart Gach Páiste ar an gCaighdeán Meabhairshláinte Is Airde Ar Féidir a Bhaint Amach

Gníomhartha

1.1 Tabhairt faoi mholtaí de chuid an OCO atá fós le réiteach sa réimse seo agus a iarraidh go gcuirfí i bhfeidhm bearta a théann i ngleic leis na bearnaí atá ann fós i soláthar seirbhísí meabhairshláinte do pháistí agus atá ag cur isteach go mór orthu.

1.2 Tionchar a imirt ar an reachtaíocht mheabhairshláinte a dhréachtófar go luath, agus reachtaíocht ábhartha eile, trí dul i mbun cainte leis an Rialtas, an Oireachtas, an Roinn Sláinte agus le páirtithe leasmhara eile, ionas go gcosnaítear cearta leanaí go cuí faoin dlí.

1.3 Agus leas á bhaint as an eolas atá faighte againn ónár gcuid oibre, sainaithneoidh an OCO tosaíochtaí agus leanfaidh sé ar aghaidh ag tacú le soláthar méadaithe tacaíochtaí meabhairshláinte, lena n-áirítear seirbhísí teiripeacha i scoileanna agus i dtimpeallachtaí oideachais eile.

Sprioc 2

Gach a bhfuil ar ár gcumas a dhéanamh le cinntiú go bhfeictear, go n-éistear le agus go gcuirtear san áireamh páistí faoi mhíchumas in Éirinn. An Rialtas agus Gníomhaireachtaí Stáit a thabhairt chun cuntais maidir le gealltanais na hÉireann, lena n-áirítear na gealltanais a tugadh faoin CNACL agus UNCRPD

Gníomhartha

2.1 Bearta a aimsiú go córasach agus aird a tharraingt orthu le go mbeadh a fhios ag an bpobal cad atá de dhíth le go mbeadh teacht ag páistí faoi mhíchumas ar oideachas agus go mbeidís ábalta páirt a ghlacadh ann ar bhonn cothrom le páistí eile.

2.2 Taighde a dhéanamh faoin réasúnaíocht agus faoin mbonn fianaise a léiríonn an tairbhe a bhaineann le pleanáil saoil agus buiséid phearsantaithe a dhéanamh i dtreo is go sainaithnítear agus go soláthrófar na hacmhainní atá de dhíth d’fhonn tacú le gach céim d’fhorbairt linbh faoi mhíchumas.

2.3 Na tionchair dhiúltacha a bhaineann le moilleanna ar mheasúnaithe agus ar sheirbhísí agus acmhainní a fháil do pháistí atá faoi míchumas a shainmhíniú agus a léiriú.

Sprioc 3

Sainchúram reachtúil an OCO a úsáid chun tionchar a imirt ar an gcóras oideachas amach anseo – córas oideachais nuálaíoch agus leanbh-lárnach a chuireann folláine chun cinn, agus atá inrochtana do chách agus a chabhraíonn le gach páiste barr a gcumais a bhaint amach

Gníomhartha

3.1 Labhairt amach ar son cearta páistí a mheas go pras agus go cuí nuair is cinntí a rachaidh i bhfeidhm ar a gcuid oideachais le linn na paindéime COVID-19 agus i ndiaidh atá i gceist.

3.2 Gníomhú chun tionchar a imirt ar bheartais éifeachtacha a chur i gcrích chun dul i ngleic le bulaíocht i ngach scoil.

3.3 Athruithe sa reachtaíocht a aithint agus tabhairt fúthu le gur féidir a chinntiú go gcloífear leis an gceart atá ag gach páiste ar oideachas chomh maith leis na cearta atá acu ar dul isteach sa chóras oideachais dóibh.

3.4 A bheith i bhfách le cur chuige leanbh-lárnach maidir le forbairtí san oideachas agus go háirithe forbairtí a bhaineann leis an tSraith Shinsearach agus le próiseas na hArdteistiméireachta.

Sprioc 4

Seasamh agus tionchar an OCO a neartú mar ghuth údarásach chun dul chun cinn a dhéanamh maidir le cearta páistí in Éirinn a fhíorú

Gníomhartha

4.1 Cur le tuiscint an phobail ar chearta páistí agus an ról atá ag OCO i measc chroí-luchtanna féachana agus teacht ar bhealaí nua chun caidreamh a chothú lenár bpáirtithe leasmhara.

4.2 Trí leas a bhaint as ár neamhspleáchas agus ár gcumhachtaí reachtúla, deimhin a dhéanamh de go dtugtar eagraíochtaí poiblí chun cuntais as gníomhartha/cinntí tuairiscithe a gcuireann isteach ar chearta páistí.

4.3 A chinntiú go dtabharfar faoi thionscnaimh straitéiseacha ábhartha a bhaineann le cearta leanaí a chur chun cinn agus a chosaint, lena n-áirítear cearta leanaí leochaileacha i gcaitheamh na straitéise reatha seo.

4.4. Uasdátú a dhéanamh ar na gealltanais inár gCairt Custaiméirí agus monatóireacht a dhéanamh ar chomhlíontacht léi.

4.5 Cuir chuige oiriúnacha a fhiosrú agus glacadh leo ar mhaithe le cuíchóiriú a dhéanamh ar ghlaonna/ar fhiosrúcháin ghréasáin le cinntiú go n-úsáidtear acmhainní ábhartha OCO ar bhealach chomh tíosach is chomh éifeachtach agus is féidir.

Sprioc 5

Leanúint orainn maidir le seifteanna a chruthú agus glacadh leo d’fhonn cur le héifeachtúlacht na bpróiseas le go bhfeabhsódh ár ngníomhachtaí laethúla i ngach aonad dár n-Oifige

Gníomhartha

5.1 Athbhreithniú a dhéanamh ar chórais/theicneolaíochtaí d’fhonn glacadh le réitigh a fheabhsóidh oibríochtaí OCO agus a chuirfidh lena héifeachtúlacht.

5.2 A thabhairt chun críche athbhreithniú ar ár gcuir chuige maidir le bailiú agus le húsáid sonraí lena chinntiú go bhfuil an leas is fearr á mbaint againn as na sonraí céanna.

5.3 Leanúint orainn ó thaobh cur le tionchar ár n-idirghabhálacha trí feabhas a chur ar na próisis lena ndéanaimid rianú agus monatóireacht ar chur i bhfeidhm gníomhartha tar éis dul i mbun plé le gníomhaireachtaí ábhartha maidir lena ndualgais.

5.4 Nuashonrú a dhéanamh ar na gealltanais inár gCairt Custaiméirí agus súil amuigh againn i gcónaí go gcomhlíonfar iad.

5.5 Cuir chuige oiriúnacha a fhiosrú agus glacadh leo ar mhaithe le cuíchóiriú a dhéanamh ar ghlaonna/ar fhiosrúcháin ghréasáin le cinntiú go n-úsáidtear acmhainní ábhartha OCO ar bhealach chomh tíosach is chomh éifeachtach agus is féidir.

Sprioc 6

Ár gcultúr a fhorbairt ar mhaithe le tacú le baill foirne laistigh de thimpeallacht foghlama dearfach agus forásach chomh maith le leanúint orainn ó thaobh dea-chleachtais a léiriú maidir lenár ndualgais rialachais a chomhlíonadh

Gníomhartha

6.1 Tabhairt faoi athbhreithniú ar chultúr na láithreach oibre san OCO, le fáil amach cad iad na gnéithe gur féidir a fheabhsú agus straitéis HR tacaíochta a fhorbairt a léiríonn an t-athrú tagtha ar an timpeallacht oibre iar-COVID agus na riachtanais atá ag foireann leathnaithe OCO.

6.2 Córas saincheaptha bainistíochta eolais a thabhairt isteach agus na prótacail a ghabhann leis chun ár gcumas cuimhne mar institiúid a fhorbairt, chomh maith le cáilíocht sonraí/faisnéise a fheabhsú agus na héifeachtúlachtaí a bhaineann leis a chur i gcrích.

6.3 Ár gcumarsáid inmheánach a neartú, chomh maith le hoibriú idir-aonad agus socruithe maidir le heolas a roinnt, d’fhonn barr feabhais a chur ar chomhoibriú ár mball foirne agus d’fhonn nuálaíocht a chur chun cinn laistigh agus idir an fhoireann.

6.4 Grúpa oibre inmheánach a bhunú chun tionscnaimh a chur chun cinn a thacaíonn le comhionannas, éagsúlacht agus comhtháthú ar fud na hOifige de réir ár nDualgas Earnála Poiblí.

6.5 A chinntiú go gcomhlíonann an OCO na caighdeáin is airde maidir le seirbhísí corparáide agus a oibleagáidí rialachais.

 

Féach níos mó sonraí maidir lenár bPlean Straitéiseach anseo.